ចាប់តាំងពីចុងឆ្នាំ២០០៤ មក រាជរដ្ឋាភិបាលកម្ពុជាដោយមានក្រសួងសេដ្ឋកិច្ចនិងហិរញ្ញវត្ថុជាសេនាធិការ បានចាប់អនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈជាជំហានៗ មានរយៈពេលវែង ដែលមានគោលបំណងកែលម្អប្រព័ន្ធគ្រប់គ្រងហិរញ្ញវត្ថុ សាធារណៈរបស់កម្ពុជាឆ្ពោះទៅរកស្តង់ដារអន្តរជាតិ។ ការអនុវត្តកម្មវិធីនេះបានទទួលជោគជ័យជាបន្តបន្ទាប់ ហើយកំពុងបន្តអនុវត្ត ជំហានបន្ទាប់ទៀត។ អគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (អ.គ.ហ.) ជាសេនាធិការរបស់គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈនៃក្រសួងសេដ្ឋកិច្ចនិងហិរញ្ញវត្ថុមាន មុខងារ និងភារកិច្ចសម្របសម្រួលការរៀបចំ និងការអនុវត្តការងារគោលនយោបាយសេដ្ឋកិច្ចនិងហិរញ្ញវត្ថុ ព្រមទាំងសម្របសម្រួល ការរៀបចំ និងការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។

ដោយមានចក្ខុវិស័យច្បាស់លាស់ និងក្នុងនាមជាសេនាធិការប្រកបដោយគុណភាព សក្ដិសិទ្ធភាព និងប្រសិទ្ធភាព អ.គ.ហ. មានត្រូវការជ្រើសរើស មន្ត្រី ចំនួន៩រូប សម្រាប់បំពេញការងារដើម្បីចូលរួមរៀបចំ និងអភិវឌ្ឍប្រព័ន្ធបច្ចេកវិទ្យាព័ត៌មានគ្រប់គ្រងចំណូលមិនមែនសារពើពន្ធ-NRMIS និងប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ-SARMIS ជំនាន់ថ្មី ដែលមានដូចជា៖

អ្នករចនា UX/UI (UX/UI Designer) - ១រូប

** ភារកិច្ច

- ប្រមូល និងវាយតម្លៃតម្រូវការអ្នកប្រើប្រាស់

- រចនាផ្ទាំងកម្មវិធីសម្រាប់ប្រើប្រាស់ (UX) ជាមួយជំហាននៃការប្រើប្រាស់ល្អប្រសើរ

- បង្ហាញគំនិតរចនាដោយប្រើប្រាស់ Storyboards និងរំហូរនៃដំណើរការ

- រចនាក្រាហ្វិកសម្រាប់ផ្ទាំងប្រើប្រាស់ ដូចជា menus tabs និង widgets

- បង្កើតផ្ទាំងកម្មវិធីគំរូ (UI Mockups) និង Prototypes ដែលបង្ហាញយ៉ាងច្បាស់ពីមុខងារ និងទម្រង់របស់កម្មវិធី

- រចនារូបភាពក្រាហ្វិកផ្សេងៗ (Images, Sketches, Tables)

- រៀបចំ និងធ្វើបទបង្ហាញសេចក្ដីព្រាងទៅកាន់ក្រុមការងារផ្ទៃក្នុង និងអ្នកពាក់ព័ន្ធ

- កំណត់ និងដោះស្រាយបញ្ហានៅលើ UX (ដូចជា responsiveness)

- ធ្វើការកែតម្រូវទម្រង់កម្មវិធីទៅតាមមតិរិះគន់ពីអ្នកប្រើប្រាស់

- ប្រកាន់ខ្ជាប់នូវស្តង់ដាររចនាបទលើពុម្ពអក្សរ ពណ៌ និងរូបភាព

- តាមដានជាប្រចាំទៅលើបច្ចេកវិទ្យាថ្មីៗដែលពាក់ព័ន្ធនិងភារកិច្ចរបស់ខ្លួន

- បំពេញការងារផ្សេងទៀតតាមការប្រគល់ជូនពីថ្នាក់ដឹកនាំ។

** គុណវឌ្ឍិ

- មានសញ្ញាបត្របរិញ្ញាបត្រផ្នែករចនា វិទ្យាសាស្ត្រកុំព្យូទ័រ ឬប្រហាក់ប្រហែល

- មានបទពិសោធន៍ការងាររយៈពេលយ៉ាងតិច ២ឆ្នាំជាអ្នករចនា UX/UI ឬប្រហាក់ប្រហែល

- មានបទពិសោធន៍ក្នុងការប្រើប្រាស់ Figma យ៉ាងស្ទាត់ជំនាញ

- មានបទពិសោធន៍អនុវត្តទៅលើ Design System

- មានចំណេះដឹងអំពី Wireframing

- ចំណេះដឹងនៃវិធីសាស្រ្តនវានុវត្តន៍ ដូចជា Design Sprint, Design Thinking

- មានជំនាញដោះស្រាយបញ្ហាបានល្អ និងអាចទទួលយកការរិះគន់ដើម្បីស្ថាបនា

- មានជំនាញគ្រប់គ្រងពេលវេលាល្អ និងសមត្ថភាពក្នុងការកំណត់អាទិភាពការងារ

- មានជំនាញទំនាក់ទំនងបានល្អ អាចបំពេញការងារដោយឯករាជ្យ និងជាក្រុមបានល្អ

- តាមដានជាប្រចាំទៅលើបច្ចេកវិទ្យាថ្មីៗដែលពាក់ព័ន្ធនិងភារកិច្ចរបស់ខ្លួន