ចាប់តាំងពីចុងឆ្នាំ២០០៤ មក រាជរដ្ឋាភិបាលកម្ពុជាដោយមានក្រសួងសេដ្ឋកិច្ចនិងហិរញ្ញវត្ថុជាសេនាធិការ បានចាប់អនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈជាជំហានៗ មានរយៈពេលវែង ដែលមានគោលបំណងកែលម្អប្រព័ន្ធគ្រប់គ្រងហិរញ្ញវត្ថុ សាធារណៈរបស់កម្ពុជាឆ្ពោះទៅរកស្តង់ដារអន្តរជាតិ។ ការអនុវត្តកម្មវិធីនេះបានទទួលជោគជ័យជាបន្តបន្ទាប់ ហើយកំពុងបន្តអនុវត្ត ជំហានបន្ទាប់ទៀត។ អគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (អ.គ.ហ.) ជាសេនាធិការរបស់គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈនៃក្រសួងសេដ្ឋកិច្ចនិងហិរញ្ញវត្ថុមាន មុខងារ និងភារកិច្ចសម្របសម្រួលការរៀបចំ និងការអនុវត្តការងារគោលនយោបាយសេដ្ឋកិច្ចនិងហិរញ្ញវត្ថុ ព្រមទាំងសម្របសម្រួល ការរៀបចំ និងការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។

ដោយមានចក្ខុវិស័យច្បាស់លាស់ និងក្នុងនាមជាសេនាធិការប្រកបដោយគុណភាព សក្ដិសិទ្ធភាព និងប្រសិទ្ធភាព អ.គ.ហ. មានត្រូវការជ្រើសរើស មន្ត្រី ចំនួន៩រូប សម្រាប់បំពេញការងារដើម្បីចូលរួមរៀបចំ និងអភិវឌ្ឍប្រព័ន្ធបច្ចេកវិទ្យាព័ត៌មានគ្រប់គ្រងចំណូលមិនមែនសារពើពន្ធ-NRMIS និងប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ-SARMIS ជំនាន់ថ្មី ដែលមានដូចជា៖

អ្នកអភិវឌ្ឍកម្មវិធីផ្នែកខាងមុខជាន់ខ្ពស់ (Senior Frontend Developer) - ៥រូប

ភារកិច្ច

- អភិវឌ្ឍ និងថែរក្សាកម្មវិធីផ្នែកមុខរបស់ប្រព័ន្ធ និងអាចពង្រីកសមត្ថភាពដោយប្រើប្រាស់ Next.js/Nuxt.js និង TypeScript

- បង្កើនប្រសិទ្ធភាពនៃប្រព័ន្ធ ដើម្បីឱ្យមានសមត្ថភាពលឿន ប្រសិទ្ធភាពល្អ និងងាយស្រួលប្រើប្រាស់

- ធ្វើការជិតស្និតជាមួយក្រុមការងារ រចនា(UX/UI) អ្នកអភិវឌ្ឍផ្នែកក្រោយ និងអ្នករៀបចំគម្រោង ដើម្បីកែលម្អដំណើរការអភិវឌ្ឍឱ្យមានគុណភាពខ្ពស់

- មានជំនាញអនុវត្តសម្រាប់ SEO SSR (Server-Side Rendering) និង SSG (Static Site Generation) នៅក្នុងកម្មវិធី Next.js/Nuxt.js

- អភិវឌ្ឍ និងសរសេរកូដដែលមានគុណភាព ងាយស្រួលក្នុងការថែទាំ រៀបចំឯកសារតាមត្រូវការបច្ចេក-ទេស និងមានប្រណីតភាពនៃការអនុវត្តល្អបំផុត

- រៀបចំ Project Structure នៃប្រព័ន្ធផ្នែកខាងមុខទាំងមូល

- ធ្វើការជិតស្និតជាមួយក្រុមការងារអ្នកអភិវឌ្ឍកម្មវិធី និងអ្នកគ្រប់គ្រងផលិតផលដើម្បីណែនាំអំពីបច្ចេកទេសផ្តល់ ជំនាញក្នុងការដោះស្រាយបញ្ហាបច្ចេកទេសស្មុគស្មាញ

- ចូលរួមក្នុងដំណើរការវដ្តនៃកម្មវិធីទាំងមូលចាប់ពីការបំផុតគំនិត រចនា អភិវឌ្ឍ និងពង្រីកវិសាលភាពបានតាមតម្រូវការ និងមានប្រសិទ្ធភាព

- ចូលរួមក្នុងការត្រួតពិនិត្យកូដ ផ្តល់មតិយោបល់ក្នុងការស្ថាបនា ដើម្បីធ្វើការកែលម្អដំណើរការអភិវឌ្ឍដែលធានាគុណភាព និងការប្រកាន់ខ្ជាប់នូវស្តង់ដារ

- ធ្វើការយ៉ាងជិតស្និទ្ធជាមួយអ្នកគ្រប់គ្រងដើម្បីអភិវឌ្ឍបច្ចេកទេស និងដំណោះស្រាយបច្ចេកទេសផ្សេងៗដែលកើតឡើង

- តាមដានជាប្រចាំទៅលើបច្ចេកវិទ្យាថ្មីៗដែលពាក់ព័ន្ធនិងភារកិច្ចរបស់ខ្លួន

- បំពេញការងារផ្សេងៗទៀតតាមការប្រគល់ជូនពីថ្នាក់ដឹកនាំ។

** គុណវុឌ្ឍិ

- មានសញ្ញាបត្រចាប់ពីបរិញ្ញាបត្រវិទ្យាសាស្រ្តកំព្យូទ័រ ព័ត៌មានវិទ្យា ឬប្រហាក់ប្រហែលឡើងទៅ

- មានបទពិសោធន៍យ៉ាងតិច ៥ឆ្នាំ ឬយ៉ាងតិច ៣គម្រោងក្នុងការអភិវឌ្ឍសុសវែរឱ្យបានជោគជ័យ

- មានជំនាញខ្លាំងក្នុងការប្រើប្រាស់ Framework Next.js/Nuxt.js និង TypeScript, Javascript