ចាប់តាំងពីចុងឆ្នាំ២០០៤ មក រាជរដ្ឋាភិបាលកម្ពុជាដោយមានក្រសួងសេដ្ឋកិច្ចនិងហិរញ្ញវត្ថុជាសេនាធិការ បានចាប់អនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈជាជំហានៗ មានរយៈពេលវែង ដែលមានគោលបំណងកែលម្អប្រព័ន្ធគ្រប់គ្រងហិរញ្ញវត្ថុ សាធារណៈរបស់កម្ពុជាឆ្ពោះទៅរកស្តង់ដារអន្តរជាតិ។ ការអនុវត្តកម្មវិធីនេះបានទទួលជោគជ័យជាបន្តបន្ទាប់ ហើយកំពុងបន្តអនុវត្ត ជំហានបន្ទាប់ទៀត។ អគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ (អ.គ.ហ.) ជាសេនាធិការរបស់គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈនៃក្រសួងសេដ្ឋកិច្ចនិងហិរញ្ញវត្ថុមាន មុខងារ និងភារកិច្ចសម្របសម្រួលការរៀបចំ និងការអនុវត្តការងារគោលនយោបាយសេដ្ឋកិច្ចនិងហិរញ្ញវត្ថុ ព្រមទាំងសម្របសម្រួល ការរៀបចំ និងការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។

ដោយមានចក្ខុវិស័យច្បាស់លាស់ និងក្នុងនាមជាសេនាធិការប្រកបដោយគុណភាព សក្ដិសិទ្ធភាព និងប្រសិទ្ធភាព អ.គ.ហ. មានត្រូវការជ្រើសរើស មន្ត្រី ចំនួន៩រូប សម្រាប់បំពេញការងារដើម្បីចូលរួមរៀបចំ និងអភិវឌ្ឍប្រព័ន្ធបច្ចេកវិទ្យាព័ត៌មានគ្រប់គ្រងចំណូលមិនមែនសារពើពន្ធ-NRMIS និងប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ-SARMIS ជំនាន់ថ្មី ដែលមានដូចជា៖

អ្នកអភិវឌ្ឍកម្មវិធីផ្នែកខាងក្រោយជាន់ខ្ពស់ (Senior Backend Developer) - ៣រូប

** ភារកិច្ច

- ធ្វើការជិតស្និតជាមួយក្រុមការងារអ្នកអភិវឌ្ឍកម្មវិធី និងអ្នកគ្រប់គ្រងផលិតផលដើម្បីណែនាំអំពីបច្ចេកទេសផ្តល់ ជំនាញក្នុងការដោះស្រាយបញ្ហាបច្ចេកទេសស្មុគស្មាញ

- ចូលរួមក្នុងការ រៀបចំនិម្មាបនកម្មរបស់ប្រព័ន្ធ (System Architecture) ដើម្បីអោយប្រព័ន្ធដំណើរការលឿន ធន់នឹងការវាយប្រហារ និង ងាយស្រួលក្នុងការពង្រីកតាមតំរូវការ

- អភិវឌ្ឍ និងសរសេរកូដដែលមានគុណភាព ងាយស្រួលក្នុងការថែទាំរៀបចំឯកសារតាមត្រូវការបច្ចេកទេស និងមានប្រណិតភាពនៃការអនុវត្តល្អបំផុត

- វាយតម្លៃ និងណែនាំបច្ចេកវិទ្យា កម្មវិធី និង Frameworks នានា ដើម្បីកែលម្អដំណើរការអភិវឌ្ឍន៍ និងប្រសិទ្ធភាពប្រព័ន្ធ

- ចូលរួមក្នុងការត្រួតពិនិត្យកូដ ផ្តល់មតិយោបល់ក្នុងការស្ថាបនា ដើម្បីធ្វើការកែលម្អដំណើរការអភិវឌ្ឍន៍ដែលធានាគុណភាព និងការប្រកាន់ខ្ជាប់នូវស្តង់ដារ

- សម្របសម្រួលផ្នែកបចេ្ចកទេស ក្នុងការធ្វើសមារណកម្ម និងសន្ធានកម្មជាមួយប្រព័ន្ធនានា

- ធ្វើការយ៉ាងជិតស្និទ្ធជាមួយក្រុមការងារអភិវឌ្ឍប្រព័ន្ធ និងដំណោះស្រាយបច្ចេកទេស ផ្សេងៗដែលកើតឡើង

- បំពេញការងារផ្សេងៗទៀតតាមការប្រគល់ជូនពីថ្នាក់ដឹកនាំ។

** គុណវុឌ្ឍិ

- មានសញ្ញាបត្រចាប់ពីបរិញ្ញាបត្រវិទ្យាសាស្រ្តកំព្យូទ័រ ព័ត៌មានវិទ្យា ឬប្រហាក់ប្រហែលឡើងទៅ

- មានបទពិសោធន៍ការងារយ៉ាងតិច ៥ ឆ្នាំ ឬយ៉ាងតិច ៣គម្រោងក្នុងការបង្កើតសុសវែរឱ្យបានជោគជ័យ

- មានបទពិសោធន៍ទៅលើ Structured និង Non-Structure Databases

- មានបទពិសោធន៍ទៅលើ Java, Spring Boot Framework, Laravel Framework និងចេះប្រើប្រាស់

បច្ចេកវិទ្យា Container កាន់តែប្រសើរ ជាពិសេស Docker និង Kubernetes

- មានបទពិសោធន៍ក្នុងការប្រើប្រាស់ Microservices Architecture, Message Queue (KAFKA, Rabbit MQ), Schema Registry, OLAP ជាដើម

- ត្រូវមានចំណេះដឹងអំពី MVC, Design Pattern, Authentication និង RESTful Web Services